inprimatu
Ihardespen bipila
Izenburua:
Ihardespen bipila
Sinadura:
Battitta
Urkizaren iruzkina:
Egilea(k):
Battitta

Argitalpena:
Herria.
Urtea:
1982
Argitalpenaren urtea:
Alea:
1638.zk.
Orrialdea:
5

Ihardespen bipila

 

Battitta

 

 1

 

 Oraino bertzaldi bat nahiz egin bertsu

 Zer erran nahi dudan egizue kasu

 Gutti talendu

 Bai eta jestu

 Bainan asko gostu

 Tripan min dudanean hau dut sendagailu.

 

 2

 

 Tripako minak ditu zerbaitek emaiten

 Ardurenean zerbait gaizki liseritzen

 Nahi dut hemen

 Jakin dezaten

 Ene mina zer den

 

 Ahal bezen garbiki dautzuet agertzen.

 

 3

 

 Irratia gurea hor «Radio-Adur»

 Okasioneaz balla diot eiten agur

 Zer dudan makur

 Ez bainaiz beldur

 Agerturen segur

 Berriketari batzu ditugula makur.

 

 4

 

 Hazparne ta Makea dira egun hautan

 Irratia bitarte hasiak gataskan

 Orai artean

 Urrun nunbait han

 Ari kalapitan

 Han nunbait gaizki dena nolaz on etxean?

 

 5

 

 Makeakoak omen huts bat egin baitu

 Hazpandarsa bipilki zitzaio jaukitu

 Kasu egizu

 Hazparnek ez du

 Makea hunkitu

 

 Gora agertu nahiz bertzerik apaldu.

 

 6

 

 Hutsa izan dadien ttipi edo handi

 Egiten ez duenik ezin nehon aurki

 Bertzena beti

 Fite ikusi

 Et-ezin onhetsi

 Guhaurenentzat aldiz bi begiak hetsi.

 

 7

 

 Berriketari hoiek ederki mintzatzen

 Apez eta mutxurdin bertzer erakusten

 Elgar jasaiten

 Eta barkatzen

 Onak izan gaiten

 Profetak iduriko zaizkigu agertzen...

 

 8

 

 Kontseilu emaitea erretx da bertzeri

 Hortakotz gai direnak badira nun-nahi

 Badu aspaldi

 Nuen ikasi

 Eta ez ahantzi

 

 Kontseiluari beti Etsenplu nagusi...


inprimatu