Frantziari nuen zor handia

Battitta

 1

 Ixturitze herrian hamalau-an sortu

 Kasik amarik gabe nolazbeit handitu

 Gazteak bizitzeko badu beti gostu

 Zerbitzurat juaiteko herritik partitu.

 2

 Bordeleko hirian urte bat et erdi

 Zorraren pagatzeko ene Frantziari

 Egia erraiteko hainbertze izerdi

 Ez dut ene bizian sekulan ardiki.

 3

 Zerbitzutik lekora mutil naiz plantatu

 Beskoitzeko herria hola ezagutu

 Hiru urte ez arras han ditut pasatu

 Bainan Frantzia berriz nitaz da behartu.

 4

 Hameka hilabetez gerla bitxi bat zen

 Nik bezala ainitzek deus ez konprenditzen

 Ez naiz gudu eskasaz batere plainitzen

 Jitez baketsu dena bortxaz gudukatzen.

 5

 Ekain hemezortzian besoak altxatu

 Holaxetan presoner gare bilakatu

 Gure ustez beharrak bai later libratu

 Bortz urteño bakarrik presoner pasatu.

 6

 Egun batez bainauzu kondu eiten hasi

 Zenbat denbora dudan eman Frantziari

 Zortzi urte ainixko baitzeraut iduri

 Noiz bada egin duket nik zor handi hori??

 7

 Ni iduriko zenbat mundu zabalean

 Nahi edo ez nahi hartuak sarean

 Noiz ote gare bada biziren bakean?

 Lagunari toki bat onhartuz aldean...