Denen Angelu
Battitta
1
Martxoaren lebenean
San-Leon-en ohoretan
Angelu baitugu bestan
Zenbait bertsu emanik ditut
Egun horren fagoretan
Erraiteko dener betan
Ez gaiten ar kalapitan
Kaskoin Euskaldun artean.
2
Zerbeit onik agertzean
Guretu nahiz abian
Hasten gare tira-biran
Hemen bezala dela gertatzen
Hoi segur mundu guzian
Ez segituz huts berian
Gaitezen bizi bakian
Baigare Euskal-herrian.
3
Kaskoinez erten dutena
Angelu ez Euskalduna
Nik diot dela denena
Ezdeuskeria zenbaiten gatik
Ez guttitu zoriona
Euskaldun edo kaskoin
Denendako zer den ona
Errespetatzia laguna.
5
Lur huntako parabisu
Ez dugu behar dudatu
Hemen dugula Angelu
Hobeagorik ez uste izan
Nehun dukegun aurkitu
Zangoak urean ditu
Mendiak buruz hunkitu
Arte oro zoriontsu.
6
Huntan nahi akabatu
Bai eta dener galdetu
Aditze on eta zentzu
Gudukatzeak nehorendako
Onikan deusik ez baitu
Ezin bagare maitatu
Bederen elgar onhartu
Legunki errespetatu...