Brassens zendu zaikunari

Battitta

 1

 Ainitzen uste gabean

 Urriaren undarrean

 Hogoi eta hamarrean

 Hemeretzi, garren mendearen

 lau hogoi eta batean

 Ortzirale iluntzean

 Hedatu HERRI guzian

 «Brassens» gorputz da

 holetan.

 2

 Aitortu behar duguna

 Olerkari hoberena

 Ginuela Brassens jauna

 Asko maneraz kanporatu du

 pare gabeko dohaina

 Zenbat sujet jo daukuna

 Apaldun gabe laguna

 Baitzen baketsu gizona.

 3

 Gazte ta adinetako

 Ikus-molde orotako

 Olerkari bada frango

 Dudarik ez da denek dutela

 zerbait bertzer salatzeko

 On gutti ta gaixto asko

 Gudukarat huiatzeko

 Gaizo «Brassens» ez holako.

 4

 Eginbidetan lehena

 Errespetatu laguna,

 Osoki bete duzuna

 Zenbat, ardura aho-mihitan

 ainitzek askatasuna

 Ahantzirik bertzerena

 Konda bakarrik berena

 Pizten gudu eta pena.

 5

 Baitakit hilko garela

 Onhartu dut berehala

 Brassens gorputz-tu zaikula

 Gorputz horrek bizi zelarikan

 ezin prezatu ahala

 Egin duen lana hola

 Ez baita segur ahula

 Ez da ez hilen sekula...