inprimatu
Zoaz, Mikel, zorion billa
Izenburua:
Zoaz, Mikel, zorion billa
Sinadura:
Batiz Bilbao, Bizente (Barbin, Gar, Oizko Argala, Pake-nai, Tontorreko Nikolas, Xalokin)
Urkizaren iruzkina:
Egilea(k):
Batiz, Bizente

Argitalpena:
Karmel.
Urtea:
1979
Argitalpenaren urtea:
Alea:
3
Orrialdea:
73

 

 

 

 

faksimilea ikusteko


Zoaz, Mikel, zorion billa

 

Batiz, Bixente (Xalokin)

 

 Erbesterritik etorria naiz

 Aurtxo bat ezagutzera...

 Nolakoa dan jakin nairikan

 Urbildu naiz bere etxera...

 «Polita baldin ba-da, bertsoak

 Noakio egitera;

 Baiñan itxusi arkitzen ba det,

 Itzuliko naiz atzera»...

 

 Jo det atea... Bere besotan

 Amak dakarkit aurtxoa...

 Nik ametsetan susmatu baiño

 Askozaz ederragoa;

 Arpegi alai, begi urdiñak,

 Eta irripar gozoa...

 Iruditu zait zerutik iges

 Jetxi dan aingerutxoa.

 

 Ume politik iñun badago

 Guretzat zu politena;

 Zeruetako Goi-Aingeruak

 Eman zun bere baimena,

 Ta bataioan jarri zizuen

 Eleizan MIKEL izena,

 Orregatikan senideentzat

 Zu zera goren zaudena.

 

 Zorionaren billa gabiltza

 Guztiok emen lurrean;

 Baiñan askori zeregin orrek

 ikutzen ez biotzean...

 Ortik ain gutxi sartzen diranak

 Goiko Aitaren Etxean,

 Geientsuenak or dabilzkigu

 Galdu daitezken bidean.

 

 Zeru ederra irabazteko,

 Zintzoki jokatu bear,

 Atsekabe ta estualdiak

 Igaroz bizitza-zear...

 Pozakin naaste bait datorkigu

 Askotan samin ta negar...

 Otoi dezagun apal eskatuz

 Jaunari kemen ta indar...

 

 Zoaz, ba, MIKEL, zorion billa

 Izanez aingerutxoa;

 Iñoiz zugana ez bedi eldu

 Luzbel aingeru gaiztoa...

 Eduki zazu beti zaindari

 Mikel Aingeru Goikoa,

 Gero berakin izan dezazun

 Poza ere betikoa.

 


inprimatu