Nere biotz!

Gar

 Nere biotz,

 Adi nazak:

 Ire neurriann ttaka-ttaka

 Ari adi

 Geiegi ler-

 Egin gabe, arren, pixkaka

 Ari adi.

 Nere biotz,

 Adi nazak:

 I aiz nere arnasa... I aiz

 Nere bizia... Maitatzen aut

 Agitz... Txori politak ama

 Bezelaxe,

 Maitatzen aut gogo guztitik.

 Maite miñak

 Dirala-ta... ez larritu iñoiz.

 Otoi, nere

 Biotz gorri,

 Ez illundu,

 Ez, geiegui!...

 Nere Biotz,

 Adi nazak:

 I gaxotu-ta gelditzen ba'aiz...

 Oi! nereak

 Egingo dik!

 Atsege izan

 Arren... ire

 Bidean zut... aurrera beti.

 Bestela ni...

 Bein betiko agur, igandik!...

 Nere biotz,

 Adi nazak;

 I aiz nere

 Puska... I aiz

 Nere barru-barruko jabe

 Ta nagusi;

 Ik nai ba'duk...

 Gau ta egun ongi biziko

 Gaituk, beti zoruntsu ta alai

 Alkarrekin.

 Nere biotz

 Adi nazak:

 Ez gaituk ez lore gazteak.

 Ez da ere zuaitz igarrak.

 Gaur, oraindik kementsu gaituk.

 Ago... ago...

 Luzatu itzak urte batzuek,

 Ta orduan...

 Oi! ilko gaituk alkarrekin!!!

 Nere biotz!!!