Larrazabal'dar Telesforo Aita Karmeldarra'ri
Batiz, Bixente
Ai! Nor litzaken gaurko egunez
karnabatxo egalari,
Gorbeyaraño egaz joan da
an ekiteko kantari,
agur zintzoak ta ZORIONAK
opalduz lagun onari,
abesti gozoz esker beroak
emoteko Jainkoari.
Izan era gaur, aixkide maite,
da zure jaioteguna,
gaztetatikan atzerrietan
beti ospatu dozuna,
baiña biotzak Euzkadi'raño
zu eroan oi zaituna,
antxe dago-ta mendi artean
zure sorterri kutuna.
Irurogei ta bost urte dira
gaur zu en jaio ziñala...
Urte pilloa ez da zuretzat
izan bizitza-txatala;
alan da guzti, oñaztu bat lez,
esan leike joan dala,
ta zaartzarora, oartu barik,
iya eldu zareala.
Amazortziko gazte bat ziñan
Colombia'ra eltzean;
berrogei eta zazpi urte oin
dituzu aren gañean;
baiña tarte su etxatzu joan
alperreko jardunean...
Ekin ta ekin, atseden barik
ibilli zara lanean.
Asi Urabá'n, mixiolari
indio ta baltz artean,
gero Panamá'n, emen be baltzak
asko dozuzan lurrean...
Gizagaixuok jarri gurarik
Kristo'ren Lege-bidean,
elburu ori bakar-bakarrik
dozula biotz barnean.
Jarrai aurrera, Telespor Aita,
Jainkoa lagun dozula,
orretarako osasuna be
beti zeugan daukazula...
Eta zuk ta guk agita onen
saritzat izan delgula
betiko Poza Zeru Goi-Goian
baltzok geugaz ditugula.
ZORIONAK, ba, Telespor maite,
zeure jaiotegunean!
alai ta pozik igaro eizu
jai au anaien artean...
Eta olantxe urte askotan
emen ospatu ostean,
Zeruko AITA'k artu gaizala
Guretzat daukan ETXEAN!