Aita Santuaren omenez

Baxurko, J.

 Jesukristo'ren Eliz zaindari

 Pedro zan lenen jarria,

 ordu ezkero zintzo gorde da

 Jaunak-jarri zun legia,

 naiz iñoiz izan etsai gogorrak

 aitor dezagun egia

 Elizak beti zuzen jarrai du

 ark itzi zigun bidia.

 Eliz-Amaren buru, gaur degu

 Pio amabigarrena,

 mundu guziko kristau artzen

 txit maitatua dagona...

 egun auetan larogei urte

 bete dituen jaun ona,

 beraren alde eska zagun ba.

 luzaroko osasuna.

 Irurogeita iru urtekin

 Eliz buru, egin zuten,

 ordu ezkero bere lekutik

 maitekor zaigu azaltzen

 bere aurrera juaten diranak

 denak goxo ditu artzen

 aren biotzak bai omen daki

 lagun urkoa maitatzen.

 Egun auetan bere omenez

 egin nairik ¡ai aundiak

 jende ugariz beteko dira

 munduko Eliz guziak...

 Euskal-Erria, naiz txiki izan

 asko gera Elizkoak,

 ein zagun otoitz, bialdu ditzan

 Jaunak, doai ugariak.