inprimatu
Nere makila
Izenburua:
Nere makila
Sinadura:
Barbier, Jean (J.B., Donibane-Garaiztarra, Ganich)
Urkizaren iruzkina:
Egilea(k):
Barbier, Jean

Argitalpena:
Escualduna.(Eskualduna).
Urtea:
1910
Argitalpenaren urtea:
24
Alea:
1208.zk.
Orrialdea:
4

Nere makila

 

Barbier, J.

 

 Ai, ai, ai, mutilla,

 Hau duk hau makila.

 Ai, ai, ai, mutilla,

 Hau duk hau makila!!

 

 1

 

 Aitachok sagardolan pikatu mizpira,

 Aitak legundurikan errhiez ardura.

 Azkenean zaut niri jin eskuetara.

 Ai, ai, ai, mutilla...

 

 2

 

 Lehen hurratsak ditut nik egin munduan,

 Sukalde chokoan zen kutcharen ondoan,

 Amak lagunduz bainan... makila eskuan!

 

 3

 

 Geroztik ez dut utzi nik neure makila,

 Hura gabe, garbiki, sorginez, bi mila,

 Ez zeraut iduritzen gizon bat naizela!

 

 4

 

 Merkatutik etchera ilhun nabarrean,

 Zintzurra legundurrik arno nafarrean,

 Irrintzinaka noa, makila airean,

 

 5

 

 Igande arrats batez, erreka batean,

 Gizotsoa jali zaut, nik uste gabean

 Makila kaska batez zarri dut lurrean,

 

 6

 

 Pobrechko ala zozo izanikan ere.

 Makilaren beldurrez, segurki halere,

 Eginen dautzuete guziek ohore.

 

 7

 

 Espartinak zangotan, bup, arin arina,

 Sorbaldatik beheiti barneko urdina,

 Makila eskuinean, horra Eskualduna!

 

 8

 

 Soldadoen ezpata, eder agerian

 Miletan ederrago, Eskual-herrian,

 Gure putiko gazten makilak airean!

 

 9

 

 Aitaso Eskualdunek, Moroen demboran,

 Etsai beltza zaokaten han numbait ikharan;

 Makilek, zer huchtuak, heien ahurrean!

 

 10

 

 Ni hiltzen nizanean, nihauren makila,

 Semeak en'ondoan othoi zar dezala!...

 Bere onetan Petrik idek dezautala!!!...


inprimatu