inprimatu
Lanhoen erditikan "Orhi" zen jalitzen
Izenburua:
Lanhoen erditikan "Orhi" zen jalitzen
Sinadura:
Barbier, Jean (J.B., Donibane-Garaiztarra, Ganich)
Urkizaren iruzkina:
Egilea(k):
Barbier, Jean

Argitalpena:
Yakintza.
Urtea:
1933
Argitalpenaren urtea:
1
Alea:
5.zk.
Orrialdea:
327-328

 

 

 

 

faksimilea ikusteko


faksimilea ikusteko


Lanhoen erditikan "Orhi" zen jalitzen

 

Barbier, Jean

 

 Lanhoen erditikan "Orhi" zen jalitzen

 Ahuñe-Mendi aldiz chut chuta agertzen

 Beren lagunak oro zituzten harrotzen...

 Mendiak ari ziren mezaren aditzen!

 

 Chuberako herriak, aldapari gora,

 Lerro lerro hek ere, hanchet heldu dira...

 Huna huna non diren heldu "Ahunchkira",

 Zoin lehenka guziak... Bortuko mezara.

 

 Belatchak ari ziren intzirez airean,

 Karrankaz arranoak zeru gorenean,

 Ithurriak jauzika mendi bizkarrean....

 Arratseko ortziak orroaz lanhoan.

 

 Eta mendi-kaskoan, Jesus, Artzain Ona

 Ardiz inguratua, ari Aita gana:

 "Bortu gora huntarik, Aita hoberena,

 Gerizatu nahi dut "nere Eskualduna!"

 

 Othoitzean ari zen bortu ederrentzat,

 Bortu eder hetako artzai gaichoentzat,

 Elhurrean estali dohakabeentzat,

 Leize ilhun baterat eroriarenzat.

 

 Mendiz mendi, othoitza, bortu gain hetara

 Hegalez orai zoan; bortutik zelaira...

 Ezti, haztar bazoan Eskualdun Herrira,

 Urrunago oraino... mundu zabalera!

 


inprimatu