A. Jose Domingo Ugartetxearen mendeurrenean (koplak)
Baraiazarra, Luis
1.
Guretzat Aita Jose Domingo,
Ugartetxea-tar Pako,
herritar denok omentzen dugu
maitagarria delako.
2.
Orain ehun urte jaioa dugu
musikari bikaina;
gregoriano eta herri-kantaz
lortu zuen goiko gaina
3.
Herriko seme aipagarria,
zuretzat doinu ta kopla,
ezer hoberik ez daukagu ta
bihotzez dizugu opa.
4.
Goittiko txaran txantxangorria
txio-txioka kantari,
txikitatik zu ia ehun urtez
izan zara musikari.
5.
Hainbat denbora igaro arren,
herriak ez zaitu ahazten
zure musika hunkigarria
benetan dugu miresten.
6.
Markinan jaio eta geroztik
urte luzeetan zehar
musikarekin maitemindua,
harekin irri nahiz negar.
7.
Lagun artean kontularia
bihotz xamur atsegina,
poza zabaltzen egin ohi zenuen
beti zeure ahalegina
8.
Karmeldar ona eta artista
markinar peto-petoa;
gauza guztien gainetik, baina,
maitasunez betekoa
9.
rudietan agertzen zara
aitona baten itxuraz
urte ugarik eman ohi duten
agurgarrizko figuraz
10.
Zerurakoan utzi zenuen
hainbat musika ahaztuta;
guk bidaliko dizkizugu gaur
aizez-aire abestuta
11.
Zeruan ere izango duzu
kantua eta musika,
hainbat kontzertu eratuko da
zu aurrean ikusita
12.
Agur, ba, Aita Jose Domingo
diotzugu gaur bihotzez,
Bera Kruztarrak aritu gara
mendeurrenean pozez