Sollube mendiari
Baraiazarra, M.P.
Gauza politak millaka ditu
gure Euskalerri maitiak:
baserri ta uri paregabeak,
ondartza eta ur berdiak,
eta zutunik euren buru lez
gure euskaldun mendiak,
guztientzako alde danetan
ditula ate idigiak.
Euskalerrian ainbatxu mendi
dira ederrak izan-be,
uda aldian eguzkiagaz
beterik dagoz goi ta be,
euren gaiñetan millaka zugatz,
lorez landa ta sarobe;
onetatik bat oso eraiña
daukazu gure Sollube.
Sollube mendi txairoa dala
benetan egi andia,
ori ikusteko naikoa dozu
bertarantza joatia;
ara eldu ta an ez daukazu
jo bearrikan atia;
beso zabalik dozu, diñola:
«Erdu, euskaldun maitia».
Bere gaiñera igon ezkero
eta berantza begitu,
gauza liraiñak begientzako
egiten dira argitu;
Euskalerriak baserri-uri
polit ederrak ba'ditu,
andik aituta ederragoak
eiten dira iruditu.