|
Orpo askoko zugatza
Baraiazarra, M. Jesus
Gernika'n jaio eta
Gernika'n azia
ainbat urtetan antxe
Gernika'n bizia...
Bere aurka sarritan
zakarki aizia,
aize txar orren aurka
eiten ikasia.
Aize gogor ta baltza
gaur alde batetik
eta gogorragoa
biarkoz bestetik,
edur otz-otza goitik,
milla gatx lurretik...
Baiņa zutunik beti
gatx danen ganetik.
Biotza zauriturik
espaldi onetan.
A ilteko gogoa
askoren barnetan,
baiņa indarra dauka
bere orpoetan,
sustraiak ditu euskal
erri guztietan.
Euskal sustrai ontatik
sortuko arbola
danok ondo dakigu
Gernika'n dagola,
ta guri kentzekotan
zugatz orren ola,
lenen kendu bearko
dauskue odola.
|
