Ni izango banintz!!!
Baraizarra, Josune
Ni izango banintz jardiña
lorak sortzeko egiña
antxe erdian sortuko nituzke
zazpi krabeliña;
krabeliñaren usaiña
guztiontzako atsegiña
usain gozoaz kenduko nuke
atsa ta xikiña.
Ni izango banintz eguzkia
emango nuke argia
neure dizdiraz poztu munduko
danen arpegia,
argiak sortu egia
eta egiak pakea
pakea gizon guztientzako
bai gauza egokia!
Ni izango banintz elurra
zurituko nuke lurra,
neure zuritasunez zapaldu
illun (a) ta gezurra,
gezurra egi-lapurra
naiz eta arrastro laburra
amaika kalte ekarten digun
griña txar makurra...!