Lurra

Baraiazarra, Josune

 Txoriak maite du lurra

 bildotsak ango belarra

 belarraren magal goxoa

 beko lur xamurra;

 belarra ta egurra

 sortarazi duan lurra

 lur ori dugu bizidun denon

 oin ta lepazurra.

 Sugeak bertan tatarrez

 eta ankadunak oiñez,

 ibiltzerakoan lurra bear

 danok nai ta nai ez;

 lurrekoak elkar janez

 ementxe gau ta egunez

 lurraren kontu bizi gara gu

 danok dakigunez.

 Lurra da gure bizitza

 bere lora ta arantzaz

 lurrak sortzen du bizidunengan

 poz eta esperantza;

 lurra da gure laguntza

 lurra guztion gurutza,

 lurrak artzen du azken-orduan

 illaren gorputza.