Askatasunaren billa
Baraiazarra, Josune
Aspaldi ontan ortik dabiltza
illargirako bidean
ainbat jakitun ekin ta ekin
arlo orretako lanean
eldu ziran anka jartzera
illargiaren gaiņean,
mundu onetan zer aurrerapen
dagon gaurko egunean!
zer gertatuko da illargiraņo
zubi bat egiten danean?
An illargian, an illargian,
ote da arrokeririk?
ote dago ba emen bezala
bekoa zapaldu nairik?
an ote dago ainbeste negar
dakarren injustizirik?
Euskaldunentzat an ez badago
emen bezala katerik
Guazen bertara aske izaten
Euskalerria arturik.
Txori antzera nik al banendu
egaz egiten ikasi
izar guztiak egaz ta egaz
naiko nituzke ikusi
arkitu arte Euskalerria
askatasunez non bizi,
ba askatasuna gizon bakoitzak
bear bear du lenbizi,
Euskalerria menpean dago
eta ori ez du merezi.