Tximiletari

Balzategi, Justo

 Nundik zatoz, andereño bat lez?

 elur maluta aizez beteta,

 eder, lirain, ikututa batez

 polita benetan tximeleta

 Ostodaran margoz apaindua,

 aratz, billutsik, mundu aurrean,

 etzera ikututzeko jaiua,

 lurrun, olerki, loren tartean.

 Lore danak zabiltz txastatuaz,

 lanbru ta otz, maite zaitut biotzez:

 zuri begira nago txoratuaz,

 agian, eginda al zaude autsez?

 Marmaran oiartzua, ariña;

 apaintzen dezu Udaberria

 mota guziak zure sorgiña!

 Jaunaren urteroko miraria.

 Otxan bizkorra

 auskor, gogorra,

 garbi, jatorra,

 eder, legun;

 zatoz ludira,

 aspertzen ez dira

 zuri begira,

 gau ta egun!