Irurogeikin gaur alkartuta

Balzategi, Justo

 -1-

 Irurogeikin gaur alkartuta,

 urtez ba-goaz osatzen,

 gaur egunean berriz batuta

 azaldu gera ospatzen;

 irurogein sartuta,

 arnas-berri artuta

 len paseak gogoratzen...

 geienak aiton biurtuta gaur

 bai billobekin zoratzen.

 -2-

 Gaurko egunez, irurogeikin,

 bakoitzak bere gañean,

 etorri gera sasoi onakin;

 ezagutu da maiean.

 Ardo piñ, ederrekin

 jateko goxoekin,

 saiatu gera lanean...

 berriro ere ola alkarrekin

 zeuek nai dezutenean!

 -3-

 Beste ainbeste zalla da baña,

 gaur entzuten diranekin,

 gaizki ibilko al gera, alajaña,

 gazte baten biotzakin?

 Ia ogeikok aña,

 biotz gazte, apaña,

 gaur degun osasunakin,

 orain artean du bere maña,

 ta obe oraindik geureakin.

 -4-

 Urte batzuek gu aurretikan

 uste det jaio giñala,

 txertaketa oiek ikusirikan,

 beranduago obe zala;

 bare biotzarikan

 goibel birikarikan

 zeiñek jarririk etzala,

 dauzkagunari ondo eutsirikan

 iraun bear degu al dala.

 -5-

 Goizetxo uste det giñala jaio

 luzaro emen bizitzeko,

 oraindik nunbait ez daude iaio

 soin-atalak txertatzeko;

 Jaunari eskertzeko

 ez degu ezer jartzeko;

 gerora egin leike saio,

 alegin biziz ez galdutzeko

 datazkagunak, zer arraio!

 -6-

 Txertaketa oiek zuzentzerako

 naiz izan lodi, igerra,

 al dira asiko gu beartzerako,

 ori litzake ederra!

 Guretzat kentzerako,

 berria jartzerako,

 azalduko da okerra,

 zerbait berrikin oitutzerako

 etorriko da il berra.