Brandebinaren kontra pokalea.
1
Izurri bat herri huntan sarthua dakusagu:
Halarik, kutsatuetan hainitz datza sosegu:
Deihadar hunek ochala! lotit baletza erna,
Ikusteko muga dela zembat den sarthu barna!
2
Konfortuaren itchurak dio eman entrada
Uraren churi ardurak trompatzeko artea
Hula du gizon gaizoa emeki ardietsi:
Helas! emazte choroa lerratzen zaiku hasi.
3
Orai ez, konfortuaren kaparik ez du behar;
Emazteki ostearen kontu ezin daite har:
"Indazu hirur sosena, flakezan naiz", diote;
Olatarik freskoena lagun galdetzen dute.
4
Egin dute bai urratsa, sortzen da ohidura.
Miratzerat doaz moltsa, zembat duten tresora,
Konfortua den tokira lasterka dire heltzen,
Barnearen borthiztera usainak gombidatzen.
5
Ez balitz errankisuna, maiz liteke flakeza.
Satanek ordean huna asmatu duen traza:
"Senar gaichoa, diote, lanetik zait ethorri;
Bethe dazu, othoi, fite dezadantzat sokhorri."
6
Madarikatu kostuma, zer ez duk hik asmatzen?
Gorphutzarekin arima lezera duk etchatzen;
Jainkoaren iduria, gizona, duk desegin;
Ozarrak ezin egina, hik baitiok eragin!
7
Izateko edatekoa, nihon badute senti,
Sal lezakete Jainkoa, hain dute fede guti!
Ahal balute desegin ez lukete achola,
Edariaz dute egin sabelaren idola.
8
Ez du zeren aita onak nekha eta izertu,
Emazte biziodunak guziak chukhatzen tu;
Haur gaichoak izan beitez biluz eta goseak,
Acholarik ez du deusez ama edariz aseak.
9
Gorphutz arimen kaltea ez bazaitzue mina,
Emazte hordi ospea ez othe da aski zina?
Ez, ez. emazte galduen dakharkete bisaya,
Izanen dute zerrien, mendez mende, iroya.