—Olerti / Oraingo Neurtitz Berriak—

Irukoitza

(Terzett, Eichendorff)

Joseph von Eichendorff

euskaratzailea:

Udalaizpe

Artzaiak

Udako goiz-argiak dirdai egitean,

odei bat ez da ageri ortzi urdiñean.

Ikaraka badator argia pozetan,

galburuak makurtuz gari-alorrean,

eta belaunak auzpez nerau otoitzean.

Eiztariak

Ez da iñor indartzen eiztari zangarra

lez, aize osasuntsuz; an, amil muskarra...

arnasik ezin duzu, berak poz bakarra.

Laño ostartetik zear ageri da ibarra,

egaka ozkarbiruntz arrano azkarra.

Artzaiak

Eguerdia eltzean erreka-ondoa

itzalpean maite dut, pozaren goxoa!

Zugatzak asots arin, errekak ots loa

lur zabaletan lotan, zurmurka egoa,

lañorik laño, urrun, ametsetan noa.

Eiztariak

Ibarra euzkiak yo, ta ametsez atseden

artzean, mendi-goian bai-naiz geldituren;

urrun, lanoak gorantz dioaz odeien

ertz zear... zugatzak-gain leun dira makurtzen...

beti berri dirudin otsak dagi ozen.

Artzaiak

Urrun tximistak dirdai: abesten kilkerra,

ta lilien azpian neskatil ederra

izketan ataurrean: ots diot alperra

txirulari, inguruko biotz ta aitz bazterra

yardesten, uda-gaua ezpaita kalderra.

Eiztariak

Aranak itzalpean dira aspaldidanik,

ta eguzki-argia badakust menditik.

Sugarretan garraxiz arrano oldarturik,

itxasoratzen latsa sutan mozkorturik.

Ene! nork ledukaken orduan egorik!

Neskatillak

Ibar-zelaietako txirulak yotzean,

oian susmur-turutak ots eragitean,

zutik nago auznarka goizeko argitan.

Ez dakit nori yarrai: zuek etortzean,

badakit... iñortxori ez esanen bañan.

1950 azillak 4